Ótken táýlikte elordada 74 jol-kólik oqiǵasy tirkelip, saldarynan 1 adam zardap shekti. Nur-Sultan qalasy Politsiia departamentiniń baspasóz qyzmeti osyndai aqparat taratty, dep habarlaidy QazAqparat.
«Aýa raiy men jaýyn-shashynǵa bailanysty Nur-Sultan qalasynyń Politsiia departamenti júrgizýshilerdi barynsha muqiiat bolýǵa, jyldamdyq rejimin, qaýipsiz ara qashyqtyqty, manevr jasaý erejeleri men qaptaldaǵy aralyqty múltiksiz saqtaýǵa shaqyrady.
Júrgizýshiler úshin eń qaýiptisi – asfalttiń dymqyl bolýy. Túngi aiazdar bastalǵanyn eskersek, jańbyr sýlaǵan taiǵaq jol odan ári qaýipti bola túsedi. Osyǵan bailanysty elordalyq politseiler avtokólik ielerine jazǵy shinalardy qysqysyna aýystyrýdy usynady», - dep jazylǵan departamenttiń baspasóz málimetinde.
Saqshylar jaiaý júrginshilerge óte muqiiat bolý kerektigin eskertip otyr.
«Qolaisyz aýa raiynda jaiaý júrginshiler jaqyndap kele jatqan kólikterdi kórmeidi jáne olar keide jolǵa kútpegen jerden shyǵa qalady. Osyǵan bailanysty, júrgizýshilerge qiylystar men jaiaý júrginshi ótkelderinen ótken kezde asa saq bolýǵa keńes beremiz», - dep jazady vedomstvodan.
