QR Úkimetiniń basshysy Asqar Mamin Nur-Sultan qalasy men Jambyl oblysyndaǵy sport nysandaryna Jaqsylyq Úshkempirovtiń esimin berý týraly Qaýlylarǵa qol qoidy, dep habarlaidy "Ult aqparat" primeminister.kz-ke silteme jasap.
«Nur-Sultan qalasyndaǵy «Jekpe-jek» jekpe-jek saraiynyń ataýy Jaqsylyq Úshkempirov atyndaǵy jekpe-jek saraiy bolyp ózgertilsin. Osy qaýly alǵashqy resmi jariialanǵan kúninen bastap qoldanysqa engiziledi», - delingen qujat mátininde.
Sondai-aq Premer-Ministrdiń taǵy bir Qaýlysymen Jambyl oblysy ákimdiginiń dene shynyqtyrý jáne sport basqarmasyna qarasty «Taraz-Arena» sharýashylyq júrgizý quqyǵyndaǵy kommýnaldyq memlekettik kásipornyna Jaqsylyq Úshkempirovtiń esimi berildi. Qaýly alǵashqy resmi jariialanǵan kúninen bastap qoldanysqa engiziledi.
Grek-rim kúresinen tuńǵysh Olimpiada chempiony, Álem chempiony, Qazaqstannyń eńbek eri, «Barys», «Qurmet» «Parasat» ordenderiniń iegeri Úshkempirov Jaqsylyq Ámiráliuly 1951 jyly 6 mamyrda Qazaq KSR, Jambyl oblysy, Sverdlovsk aýdany, Chapaev keńsharynda dúniege kelgen. Biylǵy 2 tamyzda mezgilsiz ómirden ótti.
