Qala ákiminiń orynbasary Altynbek Qaisaǵalievtiń basqa jumysqa aýysýyna bailanysty onyń ornyna Nurlan Soltambekov taǵaiyndaldy. Bul týraly "Ult aqparat" ákimdiktiń baspasóz qyzmetine silteme jasap habarlaidy.
Qalanyń onlain-aktivinde elorda ákimi Altai Kólginov A.Qaisaǵalievke úlestik qurylys máselelerin sheshýge baǵyttalǵan jumysy, sý tasqynyna qarsy is-sharalardy tabysty ótkizgeni, «Nur-Sultan — jaily qala» master-jospary qaǵidaty boiynsha qoǵamdyq keńistikter men aýlaishilik aýmaqtardy damytyp, basqa da birqatar mańyzdy mindetterdi tabysty oryndaǵany úshin alǵys bildirdi.
Prezident Ákimshiligimen kelise otyryp ákimniń orynbasary qyzmetine 47 jasar Nurlan Soltambekov taǵaiyndaldy. Ol 20 jyldan astam ýaqyt memlekettik qyzmette eńbek etip keledi. Mamandyǵy — injener-qurylysshy. Eńbek jolyn aǵash ustasy tsehynyń sheberinen bastady. Ár jyldar boiy birqatar basqarmalarda túrli pozitsiialarda eńbek etti. 5 jyl boiy elordanyń kommýnaldyq sharýashylyq basqarmasy basshysynyń orynbasary laýazymynda jumys istedi.
Sońǵy jyldary «Nur-Sultan qalasynyń kólik jáne jol-kólik infraqurylymyn damytý basqarmasyn»,«otyn-energetika kesheni jáne kommýnaldyq sharýashylyq basqarmasyn» basqardy. Meritokratiia qaǵidatyna sáikes bas mamannan qala basshysynyń orynbasaryna deiin qyzmet atqarǵan. Elorda ákimi jańa orynbasarynyń aldyna birqatar mindet qoidy.
