Elordalyq máslihat depýtattary Astana qalasynyń ataýyn "Nursultan" dep ózgertý týraly usynysty qoldady, dep habarlaidy Sputnik Qazaqstan tilshisi.
"Búgin Prezident Qasym-Jomart Toqaev elordamyzdyń atyn onyń bas sáýletshisi, Qazaqstannyń Tuńǵysh Prezidenti - Elbasy Nursultan Ábishuly Nazarbaevtyń atymen atap, máńgilik tarihqa qaldyrýdy usyndy", - dedi Astana qalasynyń ákimi Baqyt Sultanov elorda máslihatynyń 46-shy sessiiasynda.
Sonymen qatar, ol Parlament palatalarynyń birlesken otyrysynda depýtattar Astana qalasynyń ataýyn Nursultan dep ózgertý týraly zań jobasyn qabyldaǵanyn atap ótti.
"Astana qalasynyń ákimdigi Qazaqstannyń Tuńǵysh Prezidenti - Elbasy Nursultan Nazarbaevtyń esimin máńgi este saqtaýǵa baǵyttalǵan bastamany qoldaidy. Áleýmettik jelilerden, jumys toptarynan hattar kelip jatyr. Olardyń birinde qalanyń jańa ataýy jańa jeńisterge jeteleidi dep jazylǵan", - dedi qala ákimi.
Sonymen, máslihat depýtattary Astana qalasyn Nursultan dep ataý týraly usynysty biraýyzdan qoldady.
Budan bólek, máslihat qala ataýyn "Nur-Sultan" dep jazý týraly usynysty qabyldady. Endi bul máseleni Qazaqstan Úkimeti janyndaǵy respýblikalyq onomostikalyq komissiia qaraidy. Odan ótse, Úkimettiń qaraýyna jiberiledi.
