1 qazan kúni Qazaqstanda Qarttar kúni merekesi toilanady. Elorda ákimdigi jyl saiynǵy dástúr boiynsha zeinetkerlerge birrettik aqshalai tólem beredi, dep habarlaidy "Ult aqparat".
Qala ákimdiginen málim etkendei, biylǵy jyly bul soma 6313 teńgeni quraidy.
«Nur-Sultan qalasynyń Jumyspen qamtý jáne áleýmettik qorǵaý basqarmasy 25 qyrkúiekten bastap 1 qazanǵa deiin 2,5 ailyq eseptik kórsetkish – 6313 teńge kóleminde tólem tóleidi. Atalǵan tólem jasyna bailanysty zeinetke (áielder úshin zeinet jasy – 58, erler úshin – 63 jas) shyqqandarǵa eseptelgen. Buǵan deiin bul kómek eń tómen mólsherdegi zeinetaqy alýshylarǵa 30 tamyz QR Konstitýtsiiasy kúnine orai kórsetilgen bolatyn», - dedi vedomstvodan.
Atap ótilgendei, birrettik tólem Alfa-Bank, ATF Bank, Tsentrkredit banki, Eýraziialyq bank, Jýsan Bank (Tsesnabank), Halyk Bank (Halyq bank), Nurbank, Sberbank, ForteBank jáne Qazposhtadaǵy esepshottarǵa jiberiledi. Atalǵan mekemelerde esepshottary joq zeinetkerler ony ashyp, shot ashý týraly 20 tańbaly anyqtamany Dostyk kóshesi, 13 («Nursaia 2» TK) meken jaiy boiynsha tapsyrýlary qajet. Anyqtama úshin telefondar: «Almaty» aýdanynyń áleýmettik tólemderdi taǵaiyndaý bólimi 55-68-22; «Esil» aýdanynyń áleýmettik tólemderdi taǵaiyndaý bólimi 55-68-34; «Saryarqa», «Baiqońyr» aýdanynyń áleýmettik tólemderdi taǵaiyndaý bólimi 55-68-45.
