«Nur Otan» partiiasy ortalyq memlekettik organdar basshylarynyń qyrkúiek aiynda azamattardy qabyldaý kestesin jariialady. Karantindik shekteýler eskerile otyryp, olar Respýblikalyq qoǵamdyq qabyldaý bólmesi alańynda onlain-formatta ótedi, dep habarlaidy partiianyń baspasóz qyzmeti.
Sonymen, 1 qyrkúiekte azamattardy qabyldaýdy Qarjy naryǵyn retteý jáne damytý agenttigi tóraǵasynyń orynbasary Nurlan Ábdiramanov, 3 qyrkúiekte – Básekelestikti qorǵaý jáne damytý agenttigi tóraǵasynyń orynbasary Marat Omarov, 8 qyrkúiekte – «Atameken» Ulttyq kásipkerler palatasynyń basqarma tóraǵasynyń orynbasary Shyńǵys Temir ótkizedi.
Azamattardy partiia alańynda 10 qyrkúiekte Bilim jáne ǵylym ministri Ashat Aimaǵambetov, 15 qyrkúiekte – Aýyl sharýashylyǵy ministriniń m.a. Erbol Qarashókeev, 22 qyrkúiekte – Aqparat jáne qoǵamdyq damý vitse-ministri Kemelbek Oishybaev, 24 qyrkúiekte – Indýstriia jáne infraqurylymdyq damý ministri Beibit Atamqulov jáne Eńbek jáne halyqty áleýmettik qorǵaý birinshi vitse-ministri Aqmádi Sarbasov, 29 qyrkúiekte – Ádilet ministri Marat Beketaev, 30 qyrkúiekte – Densaýlyq saqtaý ministri Aleksei Tsoi qabyldaidy.
Qabyldaýǵa jazylý úshin:
1. Call-ortalyq: 8 800 080 4441 (Qazaqstan boiynsha qońyraý shalý tegin);
2. WhatsApp: 8 700 800 4441;
3. komek@nurotan.kz
Aita ketý kerek, jyl basynan beri partiianyń qoǵamdyq qabyldaý bólmelerine 103 myń azamat ótinish bildirip, partiia múshesi bolyp tabylatyn memlekettik organdardyń basshylary 20 myńǵa jýyq qabyldaý ótkizdi.
Taldaý kórsetkendei, ótinishterdiń basym bóligi áleýmettik qamsyzdandyrý, turǵyn úi-kommýnaldyq sharýashylyq, turǵyn úimen qamtamasyz etý máselelerimen bailanysty. Búginde 103 myń ótinishtiń 43%-y jedel sheshilip, 54%-y boiynsha konsýltativtik, quqyqtyq jáne basqa da kómek kórsetildi, qalǵan 3%-y oryndalý ústinde.
Sondai-aq Respýblikalyq qoǵamdyq qabyldaý bólmesi alańynda zańgerlermen, advokattarmen, mediatorlarmen jáne notariýstarmen aqysyz konsýltativti onlain kezdesýler uiymdastyryldy. Oǵan joǵaryda kórsetilgen bailanystar arqyly jazylýǵa bolady.
