Norvegiia eliniń Steigan.no aqparattyq-saraptamalyq portaly Qazaqstanda koronavirýsqa qarsy shyǵarylǵan vaktsina týraly redaktsiialyq maqala shyǵaryp, onda QazVac vaktsinasyn qurý jáne testileý kezeńderi týraly egjei-tegjeili baiandap, sondai-aq, atalǵan oqiǵanyń máni týraly kommentarii usynǵan.
«Bul jańalyq kem degende birneshe mańyzdy sátterden qurylǵan. Qazaqstannyń óz vaktsinasyn shyǵarýy tańǵaldyryp jatqan joq. Óz ekpesin shyǵarý jumystaryn birneshe el atqarý ústinde, Qazaqstanda da osyny istei alatyn zertteýshilik orta bar. Bizdiń oiymyzsha, bul vaktsinanyń oqshaýlanyp, sekventsiialanǵan shyn mánindegi Covid-19 virýsynyń negizinde shyǵarylǵany qyzyqty bolyp otyr.
Bizdiń túsingenimiz, farmatsevtikalyq alyptardyń eń tanymal vaktsinalary shyn mánindegi virýs bólindisi negizinde emes, kompiýterlik modelder negizinde shyǵarylady», - dep atap ótti Steigan.no.
Basylym QazVac vaktsinasyn tájiribelik elementteri joq dástúrli vaktsina dep túiindedi.
«Basqa mańyzdy aqparat – bul vaktsina úshin saqtaýdyń eń joǵary temperatýrasyn qajet etpeidi, oǵan tońazytqyshtaǵy qalypty temperatýra da jetkilikti. Bul ony kópshilik, sonyń ishinde kedei elder úshin jaramdy etip otyr», - dep túiindedi Steigan.no.
