Búgin Mańǵystaý oblysynyń ákimi Nurlan Noǵaev apparattyq jiyn ótkizdi, dep habarlady "Ult aqparat",
Aimaq basshysy eńbek daýlary zań sheńberinde konstrýktivti dialog arqyly sheshilýi tiis ekenin aitty.
Oblys ákimdigine qarasty qurylymdyq jáne aýmaqtyq bólimshelerdiń basshylary jinalǵan keńeste Nurlan Noǵaev jinalǵandardyń nazaryn Prezident Joldaýynda kórsetilgen tapsyrmalardy múltiksiz oryndaý qajettigine aýdardy.
Atap aitqanda, oblys ákimi qys mezgiline jem-shóp qoryn daiyndaý, jylytý maýsymyna daiyndyqty, sondai-aq halyqty aýyz sýmen úzdiksiz qamtamasyz etýge baǵyttalǵan jobalardy iske asyrýǵa baqylaýdy kúsheitý kerektigin atap ótti.
Sondai-aq basqosýda óńirdegi epidemiologiialyq jaǵdai talqylandy.
Nurlan Noǵaev osy baǵyttardyń barlyǵyn Mańǵystaý oblysynyń keshendi damý josparyna engizýdi tapsyrdy.
Halyqtyń memlekettik organdarǵa degen senimin qalyptastyratyn negizgi faktorlardyń biri - «Halyq únine qulaq asatyn memleket» tujyrymdamasynda kórsetilgen sharalardy júzege asyrý bolyp tabylady», - dep atap ótti oblys ákimi.
Memlekettik qyzmetshiler óńir turǵyndary úshin barynsha ashyq bolýǵa tiis.
Jaqyn arada ákimdik pen turǵyndar arasynda ózara bailanysyn kúsheitýge arnalǵan birqatar sharalar qabyldanady.
Sondai-aq, Nurlan Noǵaev eńbek daýlary máselesin qozǵady.
«Jumysshy men jumys berýshiniń arasyndaǵy barlyq eńbek daýlary zań aiasynda konstrýktivti dialog arqyly sheshilýi tiis» - dedi ákim.
Apparattyq jiyn qorytyndysy boiynsha jaýapty tulǵalarǵa birqatar naqty tapsyrmalar berildi.
