Nobel syilyǵyn tabystaý rásimi pandemiiaǵa bailanysty taǵy da ótkizilmeitin boldy, dep habarlaidy QazAqparat Reuters agenttigine silteme jasap.
Nobel qory marapattaý rásimderiniń byltyrǵydai onlain jáne oflain rejiminde bolatynyn málimdedi. Osylaisha, negizgi rásim teledidar arqyly jáne Nobel syilyǵynyń tsifrlyq platformalary arqyly tikelei efirden kórsetiledi.
Óz kezeginde Nobel syilyǵynyń norvegiialyq komiteti álem syilyǵyn jeke shara aiasynda Oslo qalasynda tabystaý múmkindigin qarastyryp otyr. Merekelik rásimder ádette skandinaviialyq eki astanada 10 jeltoqsanda – syilyqtyń negizin qalaýshy Alfred Nobel qaitys bolǵan kúni ótkiziletini atap ótilýde. Stokgolm ratýshasynda laýreattardyń qatysýymen beinetanystyrylymdar ótkiziledi, sondyqtan rásimge jergilikti aýditoriia qatysady.
Biylǵy jyl laýreattarynyń esimderi 4-11 qazan kúnderi arasynda belgili bolady.
Nobel syilyǵy – jyl saiyn ataqty ǵylymi zertteýler, revoliýtsiialyq ónertabystar nemese mádeniet ne qoǵamnyń damýyna qosqan zor úles úshin tabystalatyn bedeldi álemdik syilyq.
