«Karantindegi juldyz» jobasy aiasynda k-pop janrynda án aitatyn Ninety One tobynyń onlain kontserti ótedi, dep habarlaidy "Ult aqparat".
«Kópshiliktiń suraýy boiynsha «Karantindegi juldyz» jobasy aiasynda Ninety One tobynyń onlain kontserti ótedi. Súiikti ánderińiz oryndalatyn keremet keshti jiberip almańyzdar», - dep habarlandy toptyń resmi paraqshasynda.
Onlain kontsert YouTube jelisinde búgin saǵat 21:00-de bastalady.
Aita keteiik, QR Mádeniet jáne sport ministrligi eldegi tótenshe jaǵdai kezeńinde birneshe onlain-jobany júzege asyrýda. Olardyń arasynda óner súier qaýymǵa arnalǵan «Karantindegi juldyz» jobasy bar. Kúnde keshke YouTube-arnasynyń tikelei efirinde tanymal qazaqstandyq juldyzdardyń kontserti ótedi.
Buǵan deiin Jubanysh Jeksenuly, Jeńis Seidollauly, Ǵadilbek Janai, Sáken Maiǵaziev onlain kontsert bergen bolatyn. 26 naýryz kúni keshke qazaqstandyqtardy óz ánderimen Roza Rymbaeva qýantty. Joba Mádeniet jáne sport ministrligi men «Qazaqtelekom» AQ qoldaýymen júzege asyrylýda.
