Niderlandyda búngingi tańdaǵy koronavirýstyń taralý kórsetkishine qarap elde Áleýmettik araqashyqtyqty saqtaý erejesi jeńildetiledi deý qiyn. Bul týraly seisenbi kúni baspasózge Niderlandynyń premer-ministri Mark Riýtte málim etti, dep habarlaidy "Ult aqparat".
"Biz barlyǵy basqasha bolǵanyn qalap, koronavirýsqa qatysty jaǵdaidyń jaqsaratynyna úmittendik. Odan da kóp nárse jasai alatynymyzǵa sendik, biraq qolymyzdan bári kelmeidi. Shyndyǵyna kelsek, búginde tańdaý aldynda turmyz: bizdiń erejelerimizdiń sandardy azaitqanyn, nemese málimetterdiń óskenin baqylap otyrý. Sońǵy jaǵdaida, men lokdaýnnyń qatań sharalaryn qaita engizý qajettiligi týyndaitynyn joqqa shyǵarmaimyn" deidi ol.
Qazirgi normalar boiynsha, niderlandyqtar rojdestvolyq keshki asqa shaqyrǵan qonaq sany úsh adamnan aspaýy jáne olardyń jasy 13-ten joǵary bolýy kerek. Budan basqa, mektep kanikýldaryn sozý sharalary qarastyrylyp otyr.
Jeltoqsannyń birinshi aptasynda Niderlandyda koronavirýsqa shaldyǵý oqiǵalarynyń sany 27 paiyz ósken.
Qarqyndy terapiia bólimderine túskender sany eki ese ósti.
M.Riýtte turǵyndardy rojdestvolyq kanikýldy úide ótkizip, karantin erejelerin saqtaýǵa, analiz tapsyryp otyrýǵa shaqyrdy.
«2021 jylǵy qańtardyń ortasyna qarai jaǵdaidyń jaqsarýyn kórýge tyrysaiyqshy», - dedi Niderlandy eliniń premer-ministri. Ol pandemiia boiynsha statistikanyń búkil Eýropa boiynsha nashar ekenin habarlady.
