Almaty politsiia áleýmettik jeli arqyly jalǵan aqparat taratqandardy izdep jatyr, dep habarlaidy QazAqparat.

Almaty qalalyq politsiia departamenti, QR Qarjy naryǵyn retteý jáne damytý agenttiginen turǵyndar arasynda nesiege raqymshylyq jasaý jáne nesieni esepten shyǵarý týraly shyndyqqa janaspaityn aqparattyń taralý faktisi boiynsha aryz kelip túskenin málim etti.

«Qazirgi ýaqytta qalalyq PD tergeý basqarmasy jalǵan aqparat taratý boiynsha QR QK-niń 274-baby 1-bóliginde kózdelgen qylmystyq quqyq buzýshylyq belgileri boiynsha sotqa deiingi tergeý amaldaryn bastady. Kináliler jasaǵan is-áreketteri úshin qylmystyq jaýapqa tartylady»,- dep habarlady Almaty qalalyq politsiia departamentiniń baspasóz qyzmeti.

Sonymen qatar, Almaty politsiiasy azamattardy jalǵan habarlamalarǵa senbeýge jáne tek resmi aqparatty basshylyqqa alýǵa shaqyrady.