Nepaldaǵy tabiǵi apattan keiin Qazaqstannyń eki azamaty iz-túzsiz joǵalyp, olardy izdestirý jumystary júrgizilip jatyr. Bul týraly Qazaqstannyń Syrtqy ister ministrligi málimdedi, dep habarlaidy ult.kz.
Qazaqstan azamattary Nepal men Qytai shekarasyna jaqyn tabiǵi apat bolǵan aýmaqta bolýy múmkin.
Buǵan deiin joǵalǵan azamattardyń biriniń týristik top quramynda Nepaldan Qytaiǵa ótken bolýy yqtimal ekeni habarlanǵan.
Qazir Syrtqy ister ministrligi joǵalǵan azamattardyń týystarymen turaqty bailanysta. Diplomatiialyq vedomstvo olardyń ornalasqan jerin anyqtaý boiynsha tiisti jumystar júrgizip jatyr.
