Nepaldyń soltústiginde bolǵan sel men sý tasqynynan keminde 17 adam qaza taýyp, 384 týrist pen jergilikti turǵyn iz-túzsiz joǵalǵan, dep habarlaidy ult.kz.
Nepal týrizm keńesiniń málimetinshe, joǵalǵandardyń 291-i — shetel azamattary. Olardyń arasynda Úndistannyń 105 azamaty, sondai-aq Avstraliia, Niderland, AQSh, Malaiziia, Ulybritaniia jáne Ońtústik Afrika Respýblikasynyń týristeri bar. Taǵy 93 adam — Nepal azamattary.
Apatqa taýda bolǵan jer silkinisi saldarynan kóshkinniń júrýi sebep bolǵan. Kóshkin soltústiktegi Rasýva aýdanyndaǵy Bhote-Koshi ózenin bógep qalǵan. Keiin tabiǵi bóget buzylyp, lai men sý kórshiles Nývakot jáne Dhading aýdandaryna qarai lap qoiǵan.
Sel saldarynan Nepaldaǵy alty iri gidroenergetikalyq jáne elektr infraqurylymy nysany zaqymdanǵan.
Al Ońtústik Koreia Syrtqy ister ministrliginiń málimetinshe, Nepalda sý elektr stantsiiasynyń qurylysyna qatysyp júrgen segiz ońtústikkoreialyq jumysshy da iz-túzsiz joǵalǵan.
Nepal prezidenti Ram Chandra Paýdel oqiǵany «asa qaiǵyly» dep atap, qutqarý jáne qalpyna keltirý jumystaryn jedeldetýge shaqyrdy.
Qazir negizgi kúsh joǵalǵan adamdardy izdeýge jáne zardap shekken aýdandarǵa kómek jetkizýge baǵyttalǵan.
