Mysyrdaǵy Ál-Azhar Islam zertteýler akademiiasynyń bas hatshysy Nazir Muhammed Muhammed ál-Nazir Aiad elordada ótip jatqan álemdik jáne dástúrli dinder kóshbasshylary sezi hatshylyǵynyń HIH otyrysynda rýhani yntymaqtastyqtyń adamzat igiliginde alar orny týraly oi qozǵady, dep habarlaidy QazAqparat.
«Jasyratyny joq, búginde álem óte qiyn jaǵdaidy jáne daǵdarysty bastan keship otyr. Pandemiia kóptegen máselelerdiń betin ashty. Osyǵan bailanysty men bul forým der kezinde ótti dep aitqym keledi. Óitkeni álem búginde gýmanitarlyq daǵdarys pen qandy qaqtyǵystardy bastan keshýde jáne osynyń bári adamdardyń bir-birin óltirýine alyp keledi», - dedi Nazir Muhammed Muhammed ál-Nazir Aiad.
Osyǵan bailanysty ol ózara yntymaq ornatý jáne problemalyq máselelerdi sheshý úshin álemdik jáne dástúrli din kóshbasshylary seziniń róli joǵary ekenin atap ótti.
«Demek, adamzat igiligi úshin ózara yntymaq ornatý úshin túrli álemdik jáne dástúrli dinder kóshbasshylary men jetekshilerin biriktiretin osy sezdiń mańyzy zor. Ol adamzattyń óziniń tabiǵi bolmysyna qaiyrylýyna baǵyttalǵan» - dedi Ál-Azhar Islam zertteýler akademiiasynyń bas hatshysy.
