Otandyq tanymal ánshi Nazima Jánibekova qyzy Ameliianyń bes jasqa tolýyna orai oǵan úlken meiram uiymdastyrdy. Óner iesi taý kýrortyn jalǵa alyp, onda barsha týystary men jaqyn dostarynyń basyn qosty dep jazady KAZ.NUR.KZ.
Nazima perzentiniń týǵan kúni qalai ótkenin óziniń Instagram paraqshasynda kórsetti. Estrada juldyzy qyzyna jelide jantebirenterlik jazba arnap, oǵan óz aq tilegin aitty.
"Bul kópten kútken týǵan kún. Ol kún sanap, syilyqtardy asyǵa kútti. Biz birge kiim tańdap júrdik. Ol bolsa meniń ne ázirlep jatqanymdy bile almai álek boldy. Biraq, biz tosyn syidy oidaǵydai ótkizý úshin bárimiz sońyna deiin berilmedik. Bárinen de baqytty bol janym meniń. Mundai qyzdy armandai da almadym. Alla taǵalaǵa kúnde alǵys aitamyn. Biz óte uqsaimyz. Bir nárseni qalasa, oǵan qol jetkizbei qoimaidy. Mnn saǵan zor densaýlyq pen sáttilik tileimin. Qalǵanynyń bári sende bar jáne odan da kóp bolady", - dep jazdy Nazima.
Nazima týǵan kún ótken jerdi ashyq tústi sharlarmen bezendirip, qonaqtarǵa erekshe kóńil-kúi syilady. Týǵan kún iesi anasynan planshet alsa, qýanyshyna ortaqtasyp kelgen jandardan altyn buiymdar, kosmetika, oiynshyqtar jáne taǵy da basqa syilyqtarǵa ie boldy.
Óner iesi qyzynyń bes jasqa tolýyna orai barsha týysqandaryn jinaǵysy kelgenin aitty. Alaida, barlyǵy birdei kele almaǵan.
Juldyzdy ana balalarǵa arnaiy animatorlardy jaldaǵan. Olar búldirshindermen túrli oiyn ótkizdi.
