Tuńǵysh Prezident Nursultan Nazarbaev reseilik saiasatkerlerdiń Qazaqstannyń soltústik oblystary týraly aitqan sózine pikir bildirdi, - dep habarlaidy Tengrinews.kz.
"Olar Reseidegi Sibirdiń aýmaǵy týraly: "Biz Sibirdi bólýimiz kerek" deidi. Bul da sol tárizdi. Reseidiń syrtqy ister ministri Lavrov Qazaqstanǵa eshqashan aýmaqtyq talaptar bolmaǵanyn jáne joq ekenin aitty. Basqa barlyq suraq resmi josparda naqty kórsetilýi kerek. Búginde kim ne aitpai júr? Saiasatkerler bárin aitady. Bunyń bári shyǵys Ýkraina, Krym aiasynda kóterilip otyr. Bireýden aldyq, bireýge berdik. Syiǵa tarttyq degen siiaqty. Sodan shyǵyp otyr. Osyndai áńgime bolǵan", - dedi Nazarbaev "Shtrihi k portretý" derekti filmi aiasynda bergen suhbatynda.
Elimizdiń Tuńǵysh Prezidenti mundai málimdemelerge nazar aýdarmaýǵa shaqyrdy.
"Qaidaǵy jerdi syilyqqa berdi? Eger biz Altyn Ordanyń murageri bolsaq, onda Máskeý kniazdigi olarǵa salyq tólegen. 800 jyldyq oqiǵany eske túsirýimiz kerek pe? Sondyqtan mundai málimdemelerge nazar aýdarýdyń qajeti joq. Qazir Internet, sóz bostandyǵy. Reseidiń resmi biligi ne degeitini mańyzdy", - dedi Nursultan Nazarbaev.
