Qazaqstannyń Tuńǵysh Prezidenti Nursultan Nazarbaev pen Memleket basshysy Qasym-Jomart Toqaev EKSPO alańynda ótip jatqan Naýryz meiramyna arnalǵan is-sharaǵa qatysty, dep habarlaidy "Ult aqparat".
Nazarbaev pen Toqaev EKSPO alańyndaǵy «Táýelsizdiktiń 25 jyldyǵy» monýmentiniń aldynda ornalasqan etnoaýyldy aralap shyqty. Tuńǵysh Prezident ulttyq shapan kiip keldi. Ondaǵan kiiz úi tigilgen alańǵa kelgen Nazarbaev pen Toqaevty tanymal ánshi Roza Rymbaeva jáne "qazaq aýylynyń" turǵyndary ən-bimen, qoiylymmen qarsy aldy.
Etnoaýyl aýmaǵynda teatrlandyrylǵan kórinister, ulttyq sport túrleri boiynsha saiystar, qolónershiler kórmesi jáne ulttyq salt-dástúrdi dáripteitin sharalar uiymdastyryldy.
Merekelik sharaǵa Asqar Mamin, Áset Isekeshev, Nurlan Nyǵmatýlin, Berdibek Saparbaev, Kúləsh Shəmshidinova, Arystanbek Muhamediuly men basqa da ministrler jəne laýazymdy tulǵalar qatysty.
Elbasy men Qazaqstan Prezidenti elorda qonaqtaryn jáne turǵyndaryn, sondai-aq barsha qazaqstandyqtardy Naýryz merekesimen quttyqtap, baq-bereke tiledi.
Munymen qatar, Tuńǵysh Prezident jas jubailarǵa bata berip, aspanǵa aq kógershinder ushyryldy.
