Elbasy belgili memleket jáne qoǵam qairatkeri Temirhan Dosmuhambetovtiń ómirden ótýine bailanysty marqumnyń otbasy men týǵan-týystaryna kóńil aitý jedelhatyn joldady, dep habarlaidy elbasy.kz.
«Temirhan Myńaidaruly sanaly ǵumyryn el igiligi jolynda qyzmet etýge arnap, táýelsizdigimizdiń tuǵyrly bolýyna zor úles qosqan tulǵa edi. Ol birqatar joǵary laýazymdarda abyroily jumys atqaryp, týrizm jáne sport, zań shyǵarý salalarynyń damýyna, elordamyzdyń kórkeiýine bar qajyr-qairatyn jumsady. Keiinnen kásipkerlikpen ainalysyp, aýyl sharýashylyǵynyń órkendeýine atsalysty.
Bilikti basshy, paiym-parasaty biik azamat retinde árdaiym eseli eńbek etip, kópshiliktiń izet-iltipaty men qurmetine bólendi», – delingen Elbasynyń jedelhatynda.
Nursultan Nazarbaev Temirhan Myńaidarulynyń jarqyn beinesi jurtshylyq jadynda árdaiym saqtalatynyna senim bildirdi.
