Jańa oqý jylynyń bastalýyna sanaýly kún qaldy. Osyǵan bailanysty politsiia balalardyń qaýipsizdigin qamtamasyz etý sharalaryn kúsheitti, dep habarlaidy ult.kz.
Polisia.kz málimetinshe, elimizde «Nazar aýdaryńyz, balalar!» aktsiiasy bastaldy. Onyń negizgi maqsaty – jol-kólik oqiǵalarynyń aldyn alyp, balalar úshin qaýipsiz orta qalyptastyrý.
Oqý jyly qarsańynda mektepter men basqa da bilim berý uiymdarynyń mańyndaǵy baqylaý kúsheitiledi. Politsiia júrgizýshilerdi jyldamdyqty asyrmai, jol qozǵalysy erejelerin qatań saqtaýǵa shaqyrdy.
«Balalardyń jolǵa kútpegen jerden shyǵyp qalýy múmkin ekenin árdaiym eskerý qajet», – dep eskertti Ishki ister ministrligi.
Qazir mektep mańyndaǵy jaiaý júrginshiler ótkelderi, jol belgileri men jol tańbalarynyń jaǵdaiy tekserilip jatyr. Budan bólek, mektep avtobýstary men balalardy tasymaldaýdyń qaýipsizdigi de baqylaýǵa alynǵan.
Tekserý nátijesinde bilim berý uiymdarynyń jol infraqurylymyna qatysty 548 nusqama berildi.
IIM ata-analarǵa balalarǵa qaýipsizdik erejelerin kún saiyn eske salyp otyrýdy usyndy. Ministrlik ókilderi mektepte, kóshede, qoǵamdyq kólikte jáne internette qaýipsizdik talaptaryn saqtaýdy balaǵa erte jastan úiretýdiń mańyzyn atap ótti.
