Ulystyń uly kúni - Naýryz meiramynda Almatyda 60 tonna kóje men baýyrsaq taratylady, dep habarlaidy qalalyq ákimdiktiń baspasóz qyzmeti.
Biyl kún men túnniń teńelý merekesinde árkimniń-aq qazaqtyń ulttyq taǵamdarynan dám tatýyna bolady. Barshaǵa dástúrli merekelik taǵamdar - kóje men baýyrsaq taratylady.
Naýryz merekesinde qala turǵyndaryn dámdi kójemen toidyrýǵa Almaty qalasynyń páter ieleri koperativteri de atsalysatyn boldy. Mereke 22 naýryzdan bastap, týra bir aiǵa, 21 sáýirge deiin jalǵasady. Jospar boiynsha 60 tonna kóje men baýyrsaq taratylady.
Ulttyq dastarhannan bólek qalanyń jeti iri aimaǵynda halyq serýenderi ótedi. Onda kelýshiler ulttyq dala ashanasynyń ózge de taǵamdarynan dám tata alady, Almatynyń 40 meiramhanasy ózderiniń úzdik firmalyq taǵamdaryn usynatyn kóshe buryshtaryn uiymdastyrady.
Merekelik kúnder naýryzdyń 21-nen 24-ne deiin jalǵasyp, ashyq aspan astynda festival úlgisinde ótedi.
Eske sala keteiik, halyq serýenderi qalanyń 7 jerinde qatar ótedi:
22,23 - Astana alańynda;
21-24 - Panfilov, Jibek joly kóshelerinde;
22 - «Halyk Arena» Muz saraiynda;
22 naýryzda - «Almaty Arena» Muz kesheninde;
22 naýryzda - «Atakent» QIYO;
23 naýryzda - «Suńqar» Halyqaralyq tramplinder kesheninde.
