Sanitarlyq-epidemiologiialyq baqylaý komitetiniń tamaqtaný obektilerin, tárbie men bilim berýdi sanitarlyq-gigienalyq baqylaý jáne qadaǵalaý basqarmasynyń basshysy Maral Rahymjanova virýs juqtyrǵanyn bile tura qoǵamdyq orynǵa barǵan azamattarǵa qandai shara qoldanylatynyn túsindirdi, dep habarlaidy QazAqparat.
«Ashyq» qosymshasy synaqtan ótken pilottyq kezeńde eshkimge shara qoldanylǵan joq. Búgingi kúni halyqqa túsindirý jumystary júrgizilýde. Eger PTR-test aýrý juqtyrǵanyn rastalsa, infektsiia juqtyrǵan degen sóz. Tipti onyń belgileri bolmasa da, ol infektsiiany taratýy, ainalasyndaǵylar úshin qaýipti bolýy múmkin», - degen komitet ókili «qyzyl» statýsty adamdarǵa oqshaýlaý sharasyn qoldanylatynyn eskertti.
«Aýrý juqtyrǵandardyń árqaisysyna qolhat beriledi. Onda úi karantininde bolyp, oqshaýlaný qajet ekeni týraly túsinikteme beriledi. Kórsetkishteri aýrýhanaǵa jatqyzýǵa mindetteitin azamattar aýrýhanaǵa jatqyzylady. Biraq qoldanystaǵy zańnamada adamdardy aiyppul túrinde jaýapkershilikke tartý týraly Ákimshilik kodekstiń baptary kózdelgenin atap ótý qajet. Eger 425-bap boiynsha, halyqtyń sanitarlyq-epidemiologiialyq saýlyǵy týraly zańnama talaptaryn, sondai-aq gigienalyq normativterdi buzsa, 25 AEK aiyppul salynady. Al eger 431-bap boiynsha ainaladaǵylarǵa qaýip tóndiretin aýrýlardyń juqtyrý kózin jáne olarmen qatynasta bolǵan adamdardy jasyrsa, 5 AEK kórsetkish mólsherinde aiyppul salýǵa ákep soǵady», - dedi Maral Rahymjanova.
