Foto: videodan skrinshot
NASA júzege asyryp jatqan Artemis II missiiasynyń ekipajy 2026 jylǵy 6 sáýirde Aidy ainalyp ushý kezinde Jer men Aidyń erekshe kórinisterin túsirdi, dep habarlaidy Ult.kz.
Atap aitqanda, «Earthset» dep atalatyn sát – Jerdiń Ai kókjieginiń ar jaǵyna batyp bara jatqan kórinisi beinelengen. Bul ýaqytta Jerdiń jaryq bóliginde Avstraliia men Okeaniia aimaqtary anyq kórinse, qarańǵy bóliginde túngi ýaqyt bolǵan.
Missiia barysynda Orion kapsýlasy Aidyń arǵy betine ótken kezde josparly túrde bailanys úzilisi oryn aldy. Bailanys qaita ornatylǵan soń, ekipaj múshesi Christina Koch alǵashqy áserimen bólisip, «Jermen qaita bailanys ornatý – keremet sezim» ekenin aitty.
Joba aiasynda túsirilgen bul kadrlar ǵaryshtan Jerdiń ásemdigin taǵy bir márte pash etip, adamzattyń óz planetasyna degen kózqarasyn aiqyndai tústi.
