Qazaqstandyq shoý-biznes juldyzy Merýert Túsipbaeva Aqtóbede 10 jylǵa sottalyp ketken lager tárbieshisi Álibidiń jaǵdaiy týraly aityp berdi. Óner iesi talantty jastyń jaǵdaiyna alańdaýshylyq bildirýde, - dep jazady KAZ.NUR.KZ.
Merýert Túsipbaeva aqtóbelik jigitke is qozǵalǵannan bastap óz qoldaýyn bildirip keledi. Óner iesi Álibidiń kináli ekenine senbeidi.
Buǵan deiin ánshi ony kórip qaitý úshin arnaiy túrmege baryp qaitqan bolatyn. Araǵa birneshe ai salyp, ol Álibidiń qazirgi qal-jaǵdaiy jaily bilýge tyrysty. Estrada juldyzy lager tárbieshisiniń búginde qandai kúide ekenin Instagram paraqshasynda baiandady. Onyń sózinshe, jas jigit namazǵa jyǵylyp, oraza ustap júr eken.
"Jańa ǵana Ashat Maemirovpen sóilestim. Álibidiń kazirgi jaǵdaiy týraly, naǵashy ápkesi Qyrmyzy hanym post jazypty. Ashat myrza, erteń Astanaǵa Abzal Quspan keledi. Sóilesip, aqyldasamyz dedi. Qansha tanymal adam bas qosyp, ádildikke jete almai qoidyq. Eń sońǵy ret, "Evraziia" arnasynan Álibige arnalǵan baǵdarlamany bir kórsetken soń, kózin qurtqyzdy (qai dókei eken), iýtýbqa salǵyzbapty. Endi ne isteýge bolady?!
Álibige aittym, ana joly "shydamdy bol" dep. Zorlanǵan-qorlanǵan adam joq! Namazǵa jyǵylyp, oraza ustaǵan eken. Allah jar bolshy! Ana joly, ózim jasadym dep, taspih ustatyp ketti, qoshtasarda. Tar qapasta otyryp, meni qur qol jibergisi kelmegeni ǵoi. Osy jasyl taspihty, jol-sómkemniń qaltasynda ustaimyn. Jolsaparda únemi menimen birge", - dep jazdy ol.
