«Qazgidromet» RMK 25 tamyzǵa arnalǵan daýyldy eskertýlerdi jariialady. Birqatar óńirde naizaǵai, qatty jańbyr, burshaq, daýyl jáne sekýndyna 20-28 metrge deiin jetetin jel kútiledi. Sonymen qatar birneshe oblysta tótenshe órt qaýpi saqtalady, dep habarlaidy ult.kz.
Almaty men Shymkentte
Almatyda 25 tamyzda túnde jańbyr, kúndiz azdaǵan jańbyr jaýyp, kei ýaqytta naizaǵai oinaidy. Soltústik-batystan soǵatyn jeldiń ekpini sekýndyna 18 metrge deiin jetýi múmkin. Qalada tótenshe órt qaýpi saqtalady.
Shymkentte soltústik-shyǵystan soǵatyn jeldiń kúndizgi ekpini sekýndyna 15-20 metrge deiin kúsheiedi. Qalada da tótenshe órt qaýpi bar.
Shyǵys jáne ońtústik-shyǵys óńirlerde
Shyǵys Qazaqstan oblysynyń soltústiginde, shyǵysynda jáne taýly aýdandarynda kei ýaqytta óte qatty jańbyr jaýady. Oblysta jańbyr, naizaǵai, burshaq pen daýyl kútiledi. Túnde jáne tańerteń soltústikte tuman bolady. Jeldiń ekpini kúndiz sekýndyna 25 metrge deiin jetýi yqtimal.
Abai oblysynda jańbyr men naizaǵai kútiledi. Soltústiginde, ońtústiginde jáne ortalyǵynda qatty jańbyr jaýyp, kúndiz burshaq pen daýyl bolýy múmkin. Jeldiń ekpini sekýndyna 23-28 metrge deiin jetedi. Oblystyń ońtústiginde tótenshe órt qaýpi saqtalady.
Jetisý oblysynyń birqatar aýdanynda jańbyr men naizaǵai, taýly jerlerde qatty jańbyr kútiledi. Kúndiz burshaq jaýýy múmkin. Alakól kólderi aýdanynda jeldiń ekpini kei ýaqytta sekýndyna 23-28 metrge deiin kúsheiedi. Oblys boiynsha tótenshe órt qaýpi saqtalady.
Almaty oblysynda túnde jańbyr, taýly jáne taý bókterindegi aýdandarda kei ýaqytta qatty jańbyr jaýady. Kúndiz ońtústikte azdaǵan jańbyr, taýly jáne taý bókterindegi jerlerde jańbyr men qatty jańbyr kútiledi. Naizaǵai men burshaq bolýy múmkin. Jeldiń ekpini sekýndyna 18-23 metrge deiin jetedi.
Jambyl oblysynyń taýly aýdandarynda jańbyr men naizaǵai boljanady. Jel sekýndyna 15-20 metrge deiin kúsheiedi. Óńirde tótenshe órt qaýpi, shyǵysynda joǵary órt qaýpi saqtalady.
Túrkistan oblysynda soltústik-shyǵystan soǵatyn jeldiń ekpini batysta, taýly jáne taý bókterindegi aýdandarda sekýndyna 15-20 metrge deiin jetedi. Tótenshe órt qaýpi saqtalady.
Ortalyq jáne soltústik óńirlerde
Qaraǵandy oblysynyń batysynda, soltústiginde jáne shyǵysynda jańbyr, naizaǵai, kúndiz burshaq kútiledi. Túnde jáne tańerteń tuman bolady. Ońtústiginde tótenshe órt qaýpi saqtalady.
Ulytaý oblysynyń shyǵysynda túnde jáne tańerteń tuman túsedi. Óńirde tótenshe órt qaýpi saqtalady.
Soltústik Qazaqstan oblysynyń shyǵysynda kúndiz azdaǵan jańbyr men naizaǵai kútiledi. Túnde jáne tańerteń kei aýdandarda tuman bolady. Jeldiń kúndizgi ekpini sekýndyna 15-20 metrge deiin jetedi.
Aqmola oblysynyń soltústiginde, ońtústiginde jáne shyǵysynda jańbyr men naizaǵai kútiledi. Túnde jáne tańerteń oblystyń kei aýdandarynda tuman bolady.
Pavlodar oblysynyń soltústiginde, shyǵysynda jáne ortalyǵynda jańbyr, naizaǵai, kúndiz burshaq boljanady. Tuman túsip, jeldiń ekpini sekýndyna 15-20 metrge deiin jetýi múmkin. Oblystyń shyǵysynda joǵary órt qaýpi saqtalady.
Qostanai oblysynyń batysy men soltústiginde túnde jáne tańerteń tuman kútiledi. Soltústik-batysy men shyǵysynda joǵary, al ońtústigi men ońtústik-shyǵysynda tótenshe órt qaýpi saqtalady.
Batys óńirlerde ystyq saqtalady
Aqtóbe oblysynda 25 tamyzda kúndiz aýa temperatýrasy 35-36 gradýsqa deiin kóteriledi. Oblys boiynsha tótenshe órt qaýpi, ortalyǵy men soltústik-shyǵysynda joǵary órt qaýpi saqtalady.
Batys Qazaqstan oblysynyń batysynda, shyǵysynda jáne ortalyǵynda kúndiz ótkinshi jańbyr, naizaǵai, burshaq pen daýyl kútiledi. Jeldiń ekpini sekýndyna 15-20 metrge deiin jetedi. Sonymen qatar aýa temperatýrasy 35-37 gradýsqa deiin kóterilip, tótenshe órt qaýpi saqtalady.
Atyraý oblysynyń soltústigi men shyǵysynda kúndiz shańdy daýyl bolýy múmkin. Jeldiń ekpini sekýndyna 15-18 metrge deiin jetedi. Kúndiz aýa temperatýrasy 35-38 gradýs bolady. Óńir boiynsha tótenshe órt qaýpi saqtalady.
Mańǵystaý oblysynyń ońtústiginde kúndiz azdaǵan jańbyr men naizaǵai kútiledi. Aýa temperatýrasy 38-40 gradýsqa deiin kóteriledi. Oblystyń batysy men soltústiginde tótenshe órt qaýpi saqtalady.
«Qazgidromet» málimetinshe, Qyzylorda oblysynda 25-26 tamyzda tótenshe órt qaýpi saqtalady.
Turǵyndarǵa aýa raiynyń qolaisyzdyǵyna bailanysty saqtyq sharalaryn saqtap, daýyl týraly eskertýlerge nazar aýdarý usynylady.
