"Atameken" Ulttyq kásipkerler palatasynyń basqarma tóraǵasy Abylai Myrzahmetov Prezidenttiń qatysýymen ótken Ulttyq qoǵamdyq senim keńesiniń otyrysynda áielderdiń zeinet jasyn tómendetý ideiasy aitylǵanyn eske saldy, dep habarlaidy Sputnik.
Myrzahmetov tek zeinet jasyn tómendetýmen júieniń problemalaryn sheshý múmkin emes ekenine senimdi. Ony tolyq reformalaý kerek.
"Prezident vitse-premer Saparbaevtyń basshylyǵymen top qurýdy tapsyrdy. Biz barlyq tólemdi biryńǵai áleýmettik salyqqa biriktirip, onyń stavkasyn tómendetýdi usynamyz. Sebebi qazir jalaqyǵa úlken salmaq túsip jatyr", - dedi Myrzahmetov.
Sondai-aq, Ulttyq kásipkerler palatasy basqarma tóraǵasynyń pikirinshe, osy salanyń barlyq reformasy jan-jaqty tekserilgen bolýy tiis. Sebebi qazir memlekettiń halyq aldyndaǵy áleýmettik mindettemeleri az emes.
