Densaýlyq saqtaý ministrligi esepten shyǵarylǵan vaktsinalardyń sanyn jariialady, dep habarlaidy Sputnik Qazaqstan.
Vitse-ministr Marat Shoranovtyń aitýynsha, elimizde jappai vaktsinalaý bastalǵaly beri ekpelerdi saqtaý jáne tasymaldaý jumystaryna erekshe kóńil bólinedi. Alaida osy ýaqytqa deiin myńdaǵan vaktsinany saqtaý tártibi buzyldy.
"Monitoring boiynsha aqpan aiynan bastap 4 500 vaktsinanyń temperatýralyq rejimi saqtalmaǵan. Al ereje boiynsha ondai ekpeler esepten shyǵarylýy qajet. Ondai vaktsinany adamǵa salýǵa bolmaidy. Sondyqtan bárin esepten shyǵaryp tastadyq", - dedi Shoranov ortalyq kommýnikatsiialar qyzmetinde ótken onlain brifingte.
Buǵan deiin bas memlekettik sanitarlyq dáriger Erlan Qiiasov keibir vaktsinalardyń baǵasyn jariialaǵan bolatyn. Máselen, "Sputnik V" vaktsinasynyń bir dozasy 26 dollar (11 myń teńge - Sputnik) quraidy.
Alǵashynda ony saqtaý temperatýrasy -18 gradýs bolǵan. Artynan óndirýshi ony +2+8 gradýs dep ózgertti.
QazVac-qa da tońazytqysh qajet emes. Ekpeni +8 gradýsqa deiin saqtai beredi. Hayat Vax pen Vero Cell-di saqtaý temperatýrasy da sondai.
