Abai Qunanbaiulynyń 175 jyldyq mereitoiyna daiyndyq barysyn uiymdastyrý maqsatynda Mádeniet jáne sport ministri Aqtoty Raiymqulova Abaidyń «Jidebai-Bórili» memlekettik tarihi-mádeni jáne ádebi-memorialdyq qoryq-mýzeiine bardy, dep habarlaidy "Ult aqparat".
Ministrliktiń tarihi-mádeni mura basqarmasynyń qyzmetkeri Á.Kúzerbaev, «Qazqaitajańǵyrtý» mekemesiniń qyzmetkeri Q.Tuiaqbaev, Shyǵys Qazaqstan oblysy mádeniet, arhivter jáne qujattama basqarmasy basshysynyń mindetin atqarýshy R.Nurmuhanovalar mýzeide aldaǵy ýaqytta júrgiziletin jumystar barysymen tanysty.
«Mádeniet jáne sport ministri A.Raiymqulova Abai mýzeiindegi asyl muralardy keleshek urpaqqa tolyqtai jetkizý qajettiligin basa nazarǵa alyp, tsifrlandyrý jumystaryn aýqymdy júrgizý qajettiligine toqtaldy. Sondai-aq, vedomstva basshysy mýzei ekspozitsiiasyn jańalaý kezinde zamanaýi tehnologiialarmen jabdyqtaý, ekspozitsiianyń jańasha úlgide jasalýy, mýzeidiń ishi men syrtyna ǵylymi-restavratsiialyq jumystar júrgizilýi qajettigin atap kórsetti», - delingen Mádeniet ministrliginiń baspasóz qyzmeti taratqan aqparatta.
