Búgin Memleket basshysy Joldaýynda berilgen tapsyrmalardy oryndaýǵa arnalǵan Úkimet otyrysynda Tsifrlyq damý, innovatsiialar jáne aeroǵarysh ónerkásibi ministri Baǵdat Mýsin IT-mamandardy daiarlaý jumysyn túsindirdi, dep habarlaidy QazAqparat.
«Memleket basshysy óz Joldaýynda atap ótkendei, «otandyq IT-sektordy damytý jáne nyǵaitý mańyzdy. Elge jas, bilimdi, yntaly mamandar qajet».
Búginde elimizde IT-sektorynda kadrlardyń aitarlyqtai joǵary tapshylyǵy qalyptasty. Bul ekonomikalyq básekege qabilettilikke qoljetkizýge múmkindik bermeidi», - dep toqtaldy B. Mýsin.
QR Prezidentiniń 100 myń joǵary bilikti IT-mamandy daiarlaý jónindegi tapsyrmasyn iske asyrý maqsatynda mynandai is-sharalar oryndalatyn bolady:
Birinshiden, jyl saiyn jeke IT-mektepterde oqytý úshin IT-vaýcherler beriletin bolady. Osylaisha, jeke aqparattyq tehnologiialar mektepteri naryǵyna qoldaý jasalyp, 2025 jylǵa deiin 20 myń IT-vaýcher beriletin bolady. Bul shara barlyq niet bildirýshilerge naryqta qurylatyn joǵary dárejeli IT-mektepterinde IT-mamandaryn qaita oqytýǵa múmkindik beredi.
«Ekinshiden, Bilim jáne ǵylym ministrligimen birlesip IT-mamandyqtary boiynsha baǵdarlamalardy ózgertýge daiyndyq júrgizilýde. Úshinshiden, ýniversitettermen aqparattyq tehnologiialar daǵdylary bar salalyq mamandardy daiarlaý maqsatynda IT-mamandyqtardy beiindi óndiristermen biriktirý boiynsha jumystar júrgizýde», - dedi ministr.
«Memleket basshysy belgilegen ekinshi baǵyty - ulttyq kompaniialardyń IT-naryǵymen tyǵyz ózara is-qimylyn qamtamasyz etý. Bul úshin otandyq baǵdarlamalyq qamtylym tizilimi ázirlenip qoiylǵan. Osy tizilim arqyly ónimderdi bir kózden satyp alý qarastyrylǵan. Budan basqa, búginde IT-naryǵy men ulttyq kompaniialar arasynda kollaboratsiiany qamtamasyz etýge arnalǵan SIMP platformasy jumys isteidi. Ulttyq kompaniialardy osy platformaǵa paidalanýǵa tartatyn bolamyz. Sonymen qatar, IT-naryǵyn damytý maqsatynda 20 mln AQSh dollary somasynda venchýrlyq erte qarjylandyrý qoryn qurý pysyqtalyp jatyr. Munyń barlyǵy bizge, Qasym-Jomart Kemeluly atap ótkendei, 2025 jylǵa qarai IT-qyzmetteri men ónimderi eksportynyń kólemin keminde 500 mln dollarǵa arttyrý boiynsha alǵa qoiylǵan maqsatqa qol jetkizýge múmkindik beredi», - dedi ministr.
