Memleket basshysy Aqmola oblysynyń jańadan sailanǵan aýyl ákimderimen áńgimelesti, dep habarlaidy Aqorda.
Qasym-Jomart Toqaev Aqmola oblysynyń jańadan sailanǵan aýyl ákimderimen kezdesti. Prezident aýyldardyń, aýdandyq mańyzy bar qalalar men aýyldyq okrýgterdiń basshylarynyń tikelei sailaýy saiasi jańǵyrýdyń jańa kezeńin bildiretin mańyzdy ári tarihi oqiǵa ekenin atap ótti.
– Shyn máninde, el tarihynda osyndai sailaý alǵash ret ashyq ári ádil ótkizilip otyr. Halyq tarapynan eshqandai shaǵym túspedi. Mundai sailaý bolǵan emes. Biz sailaýdy bireýge unaý úshin emes, azamattardyń turmys sapasyn jaqsartý úshin ótkizemiz, – dedi Qasym-Jomart Toqaev.
Memleket basshysy bul sailaýdyń aýyldaǵy aǵaiynǵa óz áleýetin tolyq paidalanyp, eldi mekenderdi damytý úshin jańa múmkindik beretinine toqtaldy.
Prezident ákimderdiń sailaýaldy jumystaryna oń baǵa berip, olardyń qyzmetine tabys tiledi.
Qasym-Jomart Toqaev olardyń halyq senimin aqtaý úshin qoldan kelgenniń bárin jasaitynyna senim bildirdi.
Jiyn sońynda jańadan sailanǵan ákimder Memleket basshysyna óz bastamasyn júzege asyrǵany jáne elimiz ben aýyldarynyń igiligi jolynda eńbek etýge múmkindik bergeni úshin alǵys aitty.
