Atyraý munai óńdeý zaýytyna qorshaǵan ortaǵa ziian keltirgeni úshin 31 mln teńge aiyppul salyndy, dep habarlaidy "Ult aqparat".
«Naýryz aiynda «Atyraý MÓZ» JShS biologiialyq tazartý qondyrǵylaryn ornatý boiynsha jóndeý-profilaktikalyq jumystarǵa kirisken. Tekseris kezinde sarqyndy sýlardy aǵyzýdyń qorshaǵan ortaǵa shyǵarylatyn emissiialar normativinen asyp ketkeni anyqtaldy. Kásiporyn QR Ákimshilik quqyq buzýshylyq týraly kodeksiniń eki baby boiynsha ákimshilik jaýapqa tartyldy. Olar: 331-bap («Atmosferaǵa shyǵaryndylardy tazalaýǵa jáne sarqyndy sýlardy aǵyzýǵa arnalǵan jabdyqty paidalaný qaǵidalaryn buzý, sondai-aq ony paidalanbaý») jáne 328-bap («Ekologiialyq ruqsatta belgilengen, qorshaǵan ortaǵa emissiialar normativteriniń asyp ketýi ne ekologiialyq ruqsattyń bolmaýy»)», - dep málimdedi Atyraý oblystyq ekologiia departamenti.
Kásiporynǵa 31 million teńgeden astam aiyppul salyndy. Budan tys, ekologtar kásiporynnyń QR ekologiialyq zańnamasyn buzý arqyly qorshaǵan ortaǵa keltirgen zalalynyń kólemin eseptep jatyr.
