Parlament Senatynyń jalpy otyrysynda «Qazaqstan Respýblikasynyń keibir zańnamalyq aktilerine azamattardyń jekelegen sanattaryn áleýmettik qorǵaý máseleleri boiynsha ózgerister men tolyqtyrýlar engizý týraly» Zańy ekinshi oqylymda qabyldandy, dep habarlaidy QazAqparat.
«Zań jobasynyń basty maqsattarynyń biri - múgedektigi bar adamdardy, múgedektigi bar bala tárbielep otyrǵan otbasylardy, eńbek ardagerlerin jáne azamattardyń ózge de jekelegen sanattaryn áleýmettik qorǵaý jónindegi zańnamany jetildirý. Zań jobasyn qabyldaýdan kútiletin nátijege toqtalsaq, múgedek adamdardyń quqyqtaryn qamtamasyz etý jáne ómir súrý sapasyn jaqsartý, qoldanystaǵy áleýmettik qamsyzdandyrý júiesin jetildirý, múgedektigi boiynsha jáne asyraýshysynan aiyrylý jaǵdaiy boiynsha járdemaqy alýshylarǵa qatysty áleýmettik ádilettilik ornatý, múgedek balalardyń barlyq toptary úshin aýrýdyń aýyrlyq dárejesine qarai járdemaqylar mólsherin arttyrý bolyp otyr», - dedi senator Nariman Tóreǵaliev.
Onyń aitýynsha, zań jobasy boiynsha Senattyń turaqty komitetterinen eskertýler men usynystar túsken joq.
«Baiandalǵandy eskere kele, Áleýmettik-mádeni damý jáne ǵylym komiteti Qazaqstan Respýblikasy Konstitýtsiiasy 61-babynyń 4-tarmaǵyna sáikes «Qazaqstan Respýblikasynyń keibir zańnamalyq aktilerine azamattardyń jekelegen sanattaryn áleýmettik qorǵaý máseleleri boiynsha ózgerister men tolyqtyrýlar engizý týraly» Qazaqstan Respýblikasynyń Zańyn qabyldaýdy usynady», - dedi depýtat.
Aita keteiik, ótken aptada Senatta «Qazaqstan Respýblikasynyń keibir zańnamalyq aktilerine azamattardyń jekelegen sanattaryn áleýmettik qorǵaý máseleleri boiynsha ózgerister men tolyqtyrýlar engizý týraly» zań jobasy talqylanyp, qujat birinshi oqylymda maquldandy.
I toptaǵy múgedektigi bar adamdarǵa kútim kórsetýshilerge jańa járdemaqy túri engiziledi.
Budan basqa, Zańda múgedektigi bar balaǵa kútim jasaý kezeńin 18 jasqa deiin uzartý kózdelgen, bul jasyna bailanysty zeinetaqy tólemderi men bazalyq zeinetaqyny taǵaiyndaýǵa oń áserin tigizedi.
