Shved sýretshisi, Muhammed paiǵambar karikatýrasynyń avtory Lars Vilks jeksenbide Shvetsiiada jol apatynan óldi. Shved baspasóziniń maǵlumatyna qaraǵanda, 75 jastaǵy sýretshi minip kele jatqan máshine júk kóligimen soǵysqan. Sýretshi men ony kúzetip júrgen eki politsei ólip, júk kóliginiń júrgizýshisi aýyr jaralanǵan.
2007 jyly Muhammed paiǵambar karikatýrasyn salyp, "islam jaýlarynyń" tizimine engeli Lars Vilks politsiia kúzetimen júrdi.
Shved jáne dat gazetterinde jariialanǵan karikatýra álemniń kóptegen elderiniń musylmandaryn yzalandyrdy. Vilkske qoqan-loqqy kóbeidi. "Ál Qaida" terror uiymy karikatýrany salǵan sýretshini óltirgen adamǵa 100 myń dollar beretinin jariialady.
2010 jyly eki adam sýretshiniń Shvetsiiadaǵy úiin órtemek boldy. Ýniversitetterdiń birinde lektsiia oqyp turǵanynda stýdentterdiń biri oǵan pyshaq salyp, jeńil jaralaǵan. AQSh-ta "Vilksti óltirmekke ýaǵdalasty" degen aiyppen Kolin Larýz 10 jylǵa bostandyǵynan aiyrylǵan.
2015 jyly Lars Vilkstiń karikatrýasyn jariialaǵan satrialyq Charlie Hebdo jýrnalyna shabýyl jasalyp, 12 adam óldi.
Barsha qoqan-loqqyǵa qaramastan Vilks "sóz bostandyǵy bar adam quqyǵynan qundy nárse joq" dep birneshe ret málimdegen.
