Elektrondyq úkimet portalynda múmkindig sheýteýli jandarǵa arnalǵan memlekettik qyzmettiń eki jańa túri iske qosyldy.
Bul týraly Eńbek jáne halyqty áleýmettik qorǵaý ministrliginiń baspasóz qyzmeti habarlady.
«Endi erekshe muqtajdyǵy bar adamdar eGov.kz arqyly úide jáne meditsinalyq-áleýmettik mekemelerde arnaýly áleýmettik qyzmet kórsetý qujattaryn resimdeýge ótinim bere alady. Buryn ol úshin Halyqqa qyzmet kórsetý ortalyqtaryna nemese jergilikti atqarýshy organǵa barý kerek bolatyn», - dep jazady vedomstvonyń baspasóz qyzmeti.
Joba Eńbek jáne halyqty áleýmettik qorǵaý ministrligi men «Ulttyq aqparattyq tehnologiialar» AQ birlesip iske asyrǵan.
«Múgedektigi bar adamdardyń ómir súrý sapasyn arttyrý úshin biz elektrondyq formatta kórsetiletin memlekettik qyzmetterdiń tizbesin birtindep keńeitip jatyrmyz. Jańa tsifrlyq sheshim erekshe muqtajdyǵy bar adamdarǵa úide nemese meditsinalyq-áleýmettik mekemelerde kútim kórsetý qujattaryn úiden shyqpai-aq, onlain rejimde resimdeýge múmkindik beredi. Paidalanýshylar ózderine, balalaryna nemese qamqorlyǵyndaǵy balalarǵa qyzmet kórsetýge tapsyrys bere alady», – deidi Eńbek jáne halyqty áleýmettik qorǵaý vitse-ministri Erbol Ospanov.
Qujattardy resimdeýge ótinim berý úshin elektrondyq úkimet portalynda tiisti qyzmetti tańdap, suratylǵan aqparatty toltyrý, qujattardy tirkeý qaje. Osyndan keiin ETsQ nemese bir rettik parol arqyly suranymǵa qol qoiý qajet. Suranym sátti óńdelgen bolsa, ótinish joldanǵan memlekettik organnan jeke kabinetke habarlama keledi.
«Portalda qyzmet kórsetý merzimi úide kútim alǵysy keletin paidalanýshylar úshin 14 jumys kúnine, meditsinalyq-áleýmettik mekemelerde qyzmet alǵysy keletinder úshin 17 jumys kúnine teń», - dep jazylǵan resmi málimette.
