Jambyl aýdandyq soty 10 jylǵa jýyq eńbek etken muǵalimdi zańsyz jumystan shyǵarǵan mektepke ótemaqy tóleýdi mindettedi, dep habarlaidy ult.kz.
Sotta muǵalimniń mektep-litseide 2016 jyldan beri aǵylshyn tili páninen sabaq bergeni, al 2025 jyldan bastap direktordyń oqý isi jónindegi orynbasary qyzmetin atqarǵany anyqtaldy.
2026 jyldyń sáýirinde ol jumystan shyǵarylǵan. Sot direktordyń orynbasary retinde eńbek mindetterin buzǵany úshin muǵalimge qatań sógis jariialanǵanyn jáne keiin basqa da buzýshylyqtar anyqtalǵanyn eskerdi. Alaida bul kemshilikter onyń aǵylshyn tili muǵalimi retindegi jumysyna qatysty bolmaǵan.
Osyǵan bailanysty sot jumystan bosatý týraly buiryqty ishinara zańsyz dep tanyp, muǵalimdi qyzmetine qaita qabyldady.
Mektepten talap qoiýshynyń paidasyna májbúrli bos júrgen ýaqyty úshin 1,2 mln teńge jalaqy, 219 myń teńge saýyqtyrý járdemaqysy, 100 myń teńge moraldyq ziian jáne 350 myń teńge ókil qyzmetine aqy óndirildi.
Sot sondai-aq mektep basshylyǵy men jaýapty qyzmetkerler jibergen zań buzýshylyqtarǵa bailanysty jeke uiǵarym shyǵardy.
Sot sheshimi ázirge zańdy kúshine engen joq.
