Muǵalimderdi sanaq jumystaryna tartqandar tiisti jazasyn alady. Bul týraly Bilim jáne ǵylym ministri Ashat Aimaǵambetov aitty, dep habarlaidy QazAqparat.
Úkimette ótken onlain baspasóz máslihatynda mektep muǵalimderin sanaq júrgizýge jumyldyrýǵa qatysty shaǵymdar týraly suraq qoiyldy.
Óz kezeginde A.Aimaǵambetov sanaq júrgizý men basqa da máseleler muǵalimge tán emes jumys bolǵannan keiin, ondai tapsyrma berýge eshkimniń quqyǵy joq ekenin aitty.Sondyqtan bul máselege qatysty rastalatyn faktiler bolsa, onda zań júzinde tiisti jazasy bar. «Pedagogtar mártebesi týraly» Zańǵa sáikes, tiisti aiyppul eskerilgen.
«Pedagogtardy ózine tieseli emes jumystarǵa tartqany úshin biraz direktorlar jumysynan bosatyldy, biraz áriptesterimizge tiisti shara qoldandyq. Eger osyndai faktiler shyn máninde bolyp, olar rastalyp, bizge tiisti aqparat kelse, onda qatań shara qoldanylady», - dedi vedomstvo basshysy.
