Almatyda QR Premer-Ministriniń orynbasary Berdibek Saparbaev mektep direktorlarymen kezdesti, dep habarlaidy QazAqparat.
«Biz muǵalimderdiń materialdyq jaǵdaiyn eskerýimiz kerek. Ótken jyly ustazdardyń jalaqysy ósti. Tamyz konferentsiiasynda Prezident Úkimetke muǵalimderdiń jalaqysyn 2020 jyldan bastap tórt jyl ishinde eki esege arttyrýdy tapsyrǵan bolatyn. Ótken jyldarmen salystyrǵanda qazir muǵalimderdiń eńbekaqysy jaman emes. Sonymen qatar biz muǵalimderdi «Bolashaq» baǵdarlamasymen daiyndaýymyz kerek»,-
Berdibek Saparbaevtyń aitynsha, aýyldyq jerlerde bilim sapasy tómen.
«Bul - óte ózekti másele. Aýylda muǵalimder jetispeidi. Onda bilim berý deńgeii nasharlap barady. Sebebi onda bir muǵalim geografiia, matematika, biologiia pánderinen sabaq bere beredi. Mundai kórinis ásirese shaǵyn mektepterde jii kezdesedi. Sondyqtan biz aýyldyq jerde jumys isteitin muǵalimderdiń jaǵdaiyn jasaýymyz kerek. «Diplommen aýylǵa» baǵdarlamasy týraly aityp jatyrmyz, biraq, ókinishke qarai, bul baǵdarlama kei jerlerde júzege asyp jatqan joq. Barǵan ustazdarǵa baspana bermeidi, jaldap turý aqysyn tólemeidi. Qazir osy másele boiynsha biz jergilikti bilikpen jumys istep jatyrmyz. Men bul problemalardyń bárin bilemin. Men de ákim bolǵanmyn. Osynyń bárin qadaǵalaimyz», - dedi mektep direktorlarymen kezdesýde B.Saparbaev.
Sonymen qatar, Premer-Ministrdiń orynbasary mektep oqýshylardyń ata-anasymen tyǵyz bailanysta bolýy tiis ekenin tilge tiek etti.
