QR Bilim jáne ǵylym birinshi vitse-ministri Sholpan Karinova muǵalimder mártebesiniń qalai qorǵalyp jatqanyn aityp berdi, dep habarlaidy QazAqparat.
«Elimizde muǵalimderdiń mártebesin kóterý úshin tiisti zań bar. Alaida zańǵa baǵynbai, ustazdardy artyq jumysqa jegý toqtar emes. Ministr birneshe kún buryn muǵalimderge kóshe sypyrtqandar týraly jazdy. Endi muǵalimder tikelei óz mindetimen ǵana qashan ainalysady? Nelikten bilim basqarmalary tiisti tapsyrmany oryndamai otyr?», - degen suraq qoiyldy Ortalyq kommýnikatsiialar qyzmetinde ótken baspasóz máslihatynda.
Óz jaýabynda vitse-ministr «Pedagog mártebesi týraly» zańnyń 2019 jyly qabyldanǵanyn eske saldy.
«Bul baǵytta Bilim ministrligi jumys atqaryp kele jatyr. Jergilikti jerlerdegi bilim men ǵylym sapasyn qamtamasyz etý departamentteri jumys isteidi. Osy ýaqytqa deiin muǵalimderdi ádetten tys jumysqa tartý faktileri boiynsha 200-den astam ákimshilik is qozǵalyp, zańbuzýshylyqqa jol bergender tiisti jaýapqa tartyldy. Bul jumys ári qarai da jalǵasady», - dedi Qarinova.
