Biyl musylman qaýymy asyǵa kútetin on eki aidyń sultany qasietti Ramazan aiy mamyrda bastalady. Qadir túni, Oraza ait meiramy men Qurban ait kúnderi áli naqtylanǵan joq.
Ramazanda oraza ustaý musylmanǵa paryz. Arab tilindegi "saým" (oraza) sózi "adamnyń ózin tizgindei bilýi jáne jol bermeý" degen maǵynany bildiredi. Orazanyń termindik maǵynasy – niet ete otyryp, tańnyń atysynan kúnniń batysyna deiin iship-jeýden jáne basqa da nápsi qalaýynan tyiylý.
Ramazan aiynda Allanyń meiirimi tógilip, jumaqtyń esigi aiqara ashylyp, tozaq esikteri jabylyp, jyn-shaitandar shynjyrlanady jáne osy aida tilekter qabyl bolady.
Qazaqstan musylmandary dini basqarmasyna orazaǵa qatysty kóptegen saýal túsedi. Aýyz bekitýge niet etkenderdi negizinen mynadai suraqtar mazalaidy eken:
- Orazada sáresine uiyqtap qalǵan adam ne isteidi?
- Sáresi ýaqytyn kún shyǵysymen toqtatý kerek pe?
- Namaz oqymaityn adamnyń orazasy qabyl bola ma?
- Eski orazadan qaryzy bar adam ne isteýi kerek?
- Taraýih namazyn tek oraza ustaǵandar ǵana oqi ma?
- Silekei jutsa, oraza buzyla ma?
- Oraza ustaǵan adamǵa tósek qatynasyna túsýge bola ma?
- Ushaqtaǵy adam aýyzashar ýaqytyn qalai anyqtaidy?
Jii qoiylatyn saýaldarǵa QMDB shariǵat jáne pátýa bólimi saraptama sektorynyń meńgerýshisi Medet Qurmashuly jaýap berdi. Tolyǵyraq videodan kóre alasyzdar.
