Atyraý oblysyndaǵy Miialy qorǵanynan tabylǵan temir adamnyń bas súiegi Majarstanda qalpyna keltiriledi, dep habarlaidy "Ult aqparat".
«Qyrym araly» ǵylymi-restavratsiialyq zertteý ortalyǵynyń jetekshisi Qyrym Altynbekovtiń málimetinshe, byltyrǵy maýsym-shildede Atyraý oblystyq tarihi-ólketaný mýzeiiniń mamandary Miialy qorǵanyna júrgizilgen qazba jumysy kezinde temir saýytty adamnyń súiegin tapqan. Súiek 3 metr tereńde saqtalǵan. Onymen birge, uzyndyǵy 1 metr semser, tabaq pen ózge de zattar shyqqan.
«Temir saýytty adam el tarihyna qosylatyn qundy jádiger. Sol sebepten, tarihi jádigerdiń qundylyǵyn joiyp almaý úshin oǵan antropologiialyq, DNK zertteýler júrgizý qajet boldy. Zertteý jumysy biylǵy qańtarda bastaldy. Alaida, elimizde súiekterdiń morfologiia jáne metrika analizin qamtityn antropologiia taldaýyn júrgizetin arnaiy mamandar joq. Soǵan bailanysty Majarstannan jaratylystaný salasynyń ǵylymi qyzmetkerleri shaqyrtyldy. Temir saýytty adamnyń bas súiegin qaita qalpyna keltirý úshin keibir bólikteri sol eldegi jaratylystaný ǵylymi ortalyǵyna jiberildi», - dedi Qyrym Altynbekov.
