"Qazgidromet" RMK sinoptikteri 2021 jyldyń 23-25 qyrkúiegine arnalǵan aýa raiy boljamyn usyndy, - dep habarlaidy "Ult aqparat".
Sinoptikter málimetinshe, salqyn Atlantikalyq antitsiklon shyǵysqa qarai baiaý jyljyp, Qazaqstannyń basym bóligine yqpal etedi.
"Soltústik jáne shyǵys óńirlerde tómen, biraq qalypty aýa temperatýrasy saqtalady. Biraq kezeń ishinde aýa raiy jaýyn-shashynsyz jáne salqyn bolady. Túnde elimizdiń soltústiginde, shyǵysynda jáne ortalyǵynda termometr 1-9 gradýsqa deiin tómendeidi. Tek elimizdiń batysynda atmosferalyq fronttar áserinen jańbyr jaýyp, jel kúsheiedi", - delingen habarlamada.
Sondai-aq, beisenbi kúni astanada túnde +3, kúndiz +8 gradýs bolady. 24 qyrkúiekte túnde pliýs eki gradýs, kúndiz +8 gradýsty kórsetedi. Senbi kúni tańerteń -2°C, kúndiz +12°C.
23 qyrkúiekte Almatyda synap baǵanasy túnde +14, kúndiz +22 gradýsty kórsetedi. Al jumada túnde +11, kúndiz +19°C, kún ashyq. 25 qyrkúiekte de dál osyndai aýa raiy saqtalady.
Shymkentte beisenbide túnde +14, kúndiz +27 gradýs bolady. 24 qyrkúiekte túnde +14°C, kúndiz otyz gradýs ystyq. Senbide de shymkenttikterdi kún shýaǵy qýantady. Kúndiz synap baǵanasy 31 gradýsqa deiin kóteriledi.
