Belarýs astanasy Minskide maska taǵyp júrý tártibi engizildi, dep habarlaidy BELTA agenttigi.
Búgin Minski qalalyq atqarýshy komitetiniń otyrysynda jedel respiratorly virýsty infektsiia men koronavirýstyń aldyn alý sharalary bekitilgen №1069 sheshimge ózgerister engizildi.
«Adamdar jumys ornynda ǵana emes, astanadaǵy kez kelgen mekemege barǵanda maska taǵyp júrýi mindetti. «Sondai-aq, avtobýs, metro, taksi syndy qoǵamdyq kóliktiń bárinde maska taǵyp otyrý qajet», - dep tolyqtyrdy astana meriiasy.
Búginnen bastap qalada COVID-19 ben virýstyq infektsiialardyń aldyn alý talaptaryn qadaǵalaý kúsheitiledi. Jekemenshik nysandarynyń kez kelgen túriniń jetekshileri sanitariia-epidemiologiialyq talaptardyń oryndalýyna barlyq jaǵdaidy jasaýǵa mindetti.
