Ministrlikter men ákimdikterdiń saity shtattyq rejimde jumys istep tur. Bul týraly «Ulttyq aqparattyq tehnologiialar» AQ-ynan málim etti, dep habarlaidy QazAqparat.
«Memlekettik organdardyń internet resýrstary biryńǵai platformasy qalpyna keltirildi. Saittar shtattyq rejimde jumys istep tur», - dedi delingen «Ulttyq aqparattyq tehnologiialar» AQ baspasóz qyzmetinen.
Buǵan deiin memlekettik organdardyń internet resýrstary biryńǵai platformasy jobasynyń istemei turǵanyn habarlaǵan edik.
Aita keteiik, 2020 jyldyń 24 maýsymynda 17 ministrlik, 48 komitet jáne 10 jergilikti atqarýshy organ internet-resýrstardyń biryńǵai platformasyna (MO IRBP) kóshken bolatyn. Osylaisha, MO IRBP memlekettik organdardyń barlyq saittaryn biriktirip, aqparat alý men ózara is-qimyl jasaýdyń biryńǵai terezesine ainaldy.
