QR Aqparat jáne qoǵamdyq damý ministrligi Jambyl oblysynda jýrnalistermen bolǵan oqiǵaǵa túsinikteme berdi. Bul týraly vedomstvanyń baspasóz qyzmeti habarlady.
«QR Aqparat jáne qoǵamdyq damý ministrligi Turaninfo.kz agenttiktiń tilshisi I. Dastan men «7 arnanyń» tilshisi D. Álimquldyń sotqa deiingi tergeý aiasynda Jambyl oblysynyń politsiia departamentine shaqyrtylýy boiynsha kelesini habarlaidy.
Ministrlik atalǵan fakti boiynsha tolyq aqparat berý jóninde quqyq qorǵaý organdaryna suraý joldady.
Osy ýaqytqa deiin belgili bolǵan málimet boiynsha qazir sotqa deiingi tergeý amaldary bastalǵan. Atalǵan is boiynsha joǵaryda atalǵan BAQ ókilderiniń mártebesi kýáger retinde belgilendi. Ministrlik bul máseleni nazarǵa aldy jáne baqylaýda ustap otyr», - delingen habarlamada.
Sonymen qatar ministrlik «Buqaralyq aqparat quraldary týraly» Zańyna sáikes, jýrnalister kópshilikke aqparat taratpas buryn, onyń shynaiylyǵyn únemi tekserip otyrýdy umytpaý kerektigin eskertti.
