Densaýlyq saqtaý ministri Aleksei Tsoi vedomstvo tarapynan antivakserlermen qandai jumys júrgizilip jatqanyn baiandady, dep habarlaidy QazAqparat.
«Azamattardyń ártúrli sanattary bar. Álemde koronavirýstyń bar ekenin múldem joqqa shyǵaratyn azamattar da bar. Densaýlyǵyna basqalai ziian keletininen qorqatyn adamdar toby bar. Ár topqa ártúrli tásil qoldaný kerek. Biz túrli joldarmen túsindirip jatyrmyz. Qazir túrli toptarmen jumys júrgizilip jatyr. Ár sanat anyqtalyp, mamandarymyz solarmen túsindirý jumysyn júrgizip jatyr», - dedi ministr ortalyq kommýnikatsiialar qyzmetinde ótken brifingte.
Sondai-aq, vedomstvo basshysy vaktsinaǵa qarsy adamdardyń derekqoryn jinaý josparda joq ekenin aitty.
«Bizdiń mindetimiz - halyqqa túsindirý. Antivakserlerdiń qatary kóp emes. Biz olarmen jumys isteimiz. Halyqty vaktsinany qoldaityndar men qoldamaityndar dep bólý mindetin qoiyp otyrǵan joqpyz. Bizdiń mindetimiz – halyqtyń osy toptarymen jumys isteý ǵana. Vaktsinatsiianyń qanshalyqty paidaly ekenin jáne ekpe almasa ne bolatynyn túsindirý. Sondyqtan biz kez kelgen adammen jumys isteimiz», - dedi Aleksei Tsoi.
