Foto: pixabay.com
Halyqaralyq áielder kúni merekesi qarsańynda Qazaqstannyń keibir joǵary laýazymdy sheneýnikteri áielderine qandai syilyq beretini belgili boldy, - dep habarlaidy Tengrinews.kz portaly.
Ulttyq ekonomika ministri Álibek Qýantyrov áieline gúl syilaitynyn aitty.
"Dástúr boiynsha gúlder, qazir olar qansha turatynyn bilesizder, aqylǵa qonymdy shekte", - dep jaýap berdi Qýantyrov Úkimet kýlýarynda jýrnalisterdiń suraǵyna jaýap berip.
Sonymen qatar, jýrnalister ministrden bir býma gúl qansha turatynyn surady.
"Qandai gúl ekenine bailanysty, qyzǵaldaq arzan, raýshan qymbattaý. Qazir raýshan gúlderi shamamen 2,5 myń teńge turady", - dep jaýap berdi ministr.
Sondai-aq, ministr barsha qazaqstandyq áielderdi merekemen quttyqtap, áiel boiyndaǵy eń basty qasietter qandai bolýy kerek ekenin aitty.
"Meiirimdilik, adaldyq, ádeptilik, osy qasietterdi baǵalaimyn. Qurmetti áielder, sizderdi kele jatqan Halyqaralyq áielder kúnimen quttyqtaimyn. Sizderge sáttilik tileimin, baqytty bolyńyzdar. Ekonomikamyzǵa, qoǵamymyzǵa ońdy úles qosyńyzdar", - dep quttyqtady ministr.
Premer-ministrdiń orynbasary – Saýda jáne integratsiia ministri Serik Jumanǵarin de erekshelenbei, jubaiyna gúl syilaýdy uiǵarǵan.
"Gúlder dep oilaimyn. Sondai-aq joldastarymmen áielderimizdi meiramhanaǵa shaqyrýdy josparlap otyrmyz. Bul áielder merekesi, biz ony eshqashan umytpaimyz, jyl saiyn osy kúni mindetti túrde áielimdi, anamdy jáne ájemdi quttyqtaimyn jáne gúlder beremin", - dep bólisti ministr.
Sonymen qatar, ol syilyqqa qansha biýdjet jumsaýdy josparlap otyrǵanyna jaýap berdi.
"Shynymdy aitsam, kóp emes, naqty baǵany aitalmaimyn, gúlder men táttiler", - dep jaýap berdi ol.
Aita keteiik, Ishki ister ministri Marat Ahmetjanov ta áieline gúl syilaýdy josparlap otyrǵanyn aitqan bolatyn.
