QR Densaýlyq saqtaý ministri Aleksei Tsoi vaktsinatsiiadan keiin koronavirýstan qaitys bolǵandar sanyn jariia etti, dep habarlaidy "Ult aqparat".
«Jalpy, koronavirýs infektsiiasynan - 4 969 adam, onyń ishinde vaktsinatsiia alǵan 115 adam qaitys boldy. Iaǵni, bul - jalpy qaitys bolǵandardyń 2,5 paiyzy. Qaitys bolǵandardyń basym bóligi, 97,7 paiyzy - vaktsina almaǵandar. Bizde óńirler ishinde de málimetter bar. Vaktsina alǵanymen qaitys bolǵan adamdarda sozylmaly aýrýlary bolǵan. Dál osy jait olardyń jai-kúileriniń nasharlaýyna jáne ólimine sebep bolǵan», - dedi ministr Ortalyq kommýnikatsiialar qyzmetindegi baspasóz máslihatynda.
Onyń atap ótýinshe, sozylmaly aýrýlary bar azamattarǵa vaktsina alýǵa keńes beriledi. Óitkeni, olar qater tónetin topqa jatady.
«Biraq, taǵy da qaitalap aitqym keledi, qaitys bolǵan azamattardyń basym bóligi vaktsina almaǵan. Kúrdeli aýrýlardyń barlyǵy semizdik, qant diabeti, júrek-qan tamyr júiesindegi, tynys alý júiesindegi aýrýlarǵa bailanysty», - dedi ol.
Osy rette ministr vaktsina alǵannan keiin qai óńirde qansha adam qaitys bolǵanyn da atap ótti.
«Qazaqstanda vaktsinatsiiadan keiin 115 adam qaitys boldy. Aqmola oblysynda – 2, Aqtóbe oblysynda – 5, Almaty oblysynda – 3, Almatyda – 17, Atyraý oblysynda – 1, Shyǵys Qazaqstan oblysynda – 1, Jambyl oblysynda – 6, Batys Qazaqstan oblysynda – 4, Qaraǵandy oblysynda – 9, Qostanai oblysynda – 1, Qyzylorda oblysynda – 2, Mańǵystaý oblysynda – 2, Nur-Sultanda – 32, Pavlodar oblysynda – 2, Soltústik Qazaqstan oblysynda – 1, Túrkistan oblysynda – 0, Shymkent qalasynda - 27 adam», - dedi Aleksei Tsoi.
