Ishki ister ministri qyzdy sýitsidten qutqarǵan Nur-Cultan qalasynyń politseilerin marapattady, dep habarlaidy "Ult aqparat" vedomstvonyń baspasóz qyzmetine silteme jasap.
Erlan Turǵymbaev patrýldik politsiia polki vzvodynyń komandiri Almaz Qultanovqa, polk qyzmetiniń inspektorlary Asylhan Nurmuhambetov pen Nursultan Sarievke jedel ári úilesimdi is-áreketteri úshin jeke alǵysyn bildirip, politseilerdi IIM-niń «Quqyq tártibin qamtamasyz etýge qosqan úlesi úshin»medalimen marapattady.
«Kún saiyn búkil el boiynsha myńdaǵan politsiia qyzmetkerleri azamattardyń qaýipsizdigi men tynyshtyǵy úshin qyzmet atqarady. Olardy qylmystyq qol suǵýshylyqtan qorǵaidy jáne qiyn ómirlik jaǵdaiǵa tap bolǵan adamdarǵa kómektesedi. Bizdiń qatarymyzǵa kirgen árbir adam politsiia qyzmeti janqiiarlyqty, batyldyqty jáne adamdar úshin ómir men densaýlyǵyn qaterge tigýge daiyn bolýdy talap etetinin túsinedi», - dedi marapattaý rásimi kezinde IIM basshysy.
Ol óz sózinde osyndai syni jaǵdailarda politsiia qyzmetkerleri birneshe sekýnd ishinde jaýapty sheshimder qabyldaýǵa májbúr ekenin, keide mundai sheshimder adamnyń taǵdyryn sheship jatatynyn atap ótti.
«Tek kásibilikpen jáne óz mindetterine jaýapkershilikpen qaraý, ár adamnyń problemalaryna nazar aýdarý arqyly ǵana senimge qol jetkizýge bolady. Siz jáne sizdiń áriptesterińiz aldaǵy ýaqytta da óz qyzmettik boryshyn úlgili jáne janqiiarlyqpen atqaratynyna senimdimin», - dedi Erlan Turǵymbaev marapattalǵandarǵa.
Eske sala keteiik, 3 qazan kúni elordalyq politsei Almaz Qultanov Qabanbai batyr dańǵylynda qyzmet atqaryp júrgen kezinde Esil ózeni arqyly ótetin kópirde “Ramstor” saýda úiiniń mańynda ózin birtúrli ustaǵan qyzdy baiqap qalady. Qyz jolda tez sheshinip, kópirden sekirýge oqtalǵan. Qyzmetker bul fakt týraly JBO kezekshisine habarlady da, al ózi apattyń aldyn alý úshin birden kópirge qarai bet aldy.
Biraq bul kezde áiel sýyq sýǵa sekirip ketedi. Politsiia qyzmetkeri Qultanov bir sekýnd bógelmesten 10 metr biiktikten sekirip, onyń qasyna júzip barady da, kiiminen ustap, jaǵaǵa qarai bet alady. Onyń seriktesteri Asylhan Nurmuhambetov qutqarý quraldarynyń jiyntyǵynan qutqarý sheńberin laqtyryp, ony jaǵaǵa qarai tarta bastady. Al Nursultan Sariev áriptesine kómektesý úshin sýǵa sekiredi.
Aita ketý kerek, qutqarý quraldarmen qazirgi ýaqytta árbir patrýldik avtokólik jabdyqtalǵan. Qabyldanǵan sharalardyń arqasynda politseiler ózine-ózi qol jumsaý áreketiniń aldyn alyp, qyzdy odan ári kómek kórsetý úshin meditsina qyzmetkerlerine tapsyrady.
