Elimizdiń Densaýlyq saqtaý ministri Aleksei Tsoi qazaqstandyqtardy tumaýǵa qarsy vaktsina alýǵa shaqyrdy, dep habarlaidy QazAqparat.
«Kúz kelip kún sýyta bastaǵanda immýnitettiń tómendei bastaitynyn bilemiz. Bul - qalypty jaǵdai. Osy kezeńde salaýatty ómir saltyn ustanyp, sportpen shuǵyldaný jáne kókónis pen jemis-jidekti kóbirek jeý óte mańyzdy. Sonymen qatar immýnitetti qorǵaý men sýyqtan saqtaýdyń taǵy bir joly - ýaqytyly ekpe alý. Qazir elimizde tumaýǵa qarsy jappai vaktsinatsiia júrip jatyr. Ásirese tumaýǵa qarsy ekpe alýdy osal topqa jatatyn azamattar arasynda keńinen júrgizý mańyzdy bolyp otyr. Osy oraida elimizdiń barlyq azamattaryn tumaýǵa qarsy vaktsina alýǵa shaqyramyn», - dedi Tsoi Úkimet úiinde onlain ótken baspasóz máslihatynda.
