Tsifrlyq damý, innovatsiialar jáne aeroǵarysh ónerkásibi ministri Baǵdat Mýsin EGOV-ta jii bolatyn aqaýdyń sebebin túsindirdi, - dep habarlaidy Tengrinews.kz tilshisi.
Májilistegi Úkimet saǵaty barysynda depýtat Pavel Kazantsev 2021 jyly toǵyz ai ishinde elektrondyq qyzmetti kútýge ketken jalpy ýaqyt 482 saǵat bolǵanyn kórsetetin statistikany keltirdi.
"Ishki ister ministrligi, azamattardy qujattandyrý - 75 saǵat, Densaýlyq saqtaý ministrligi - 29 aqaý, 48 saǵat, Ádilet ministrligi - 11 saǵat jáne t.b. Bul ýaqytta azamattar HQKO-da kezekte turǵan. HQKO operatorlary narazylyqqa jaýap berdi, olar bul jaǵdaiǵa áser ete almaǵan. Qurmetti salalyq ministrlikterdiń ókilderi, qomaqty qarjy bólinip jatyr. Bul aqsha júieniń úzdiksiz jumys isteýi úshin jetkiliksiz be? Iá, olar kóp, biraq olar bizdiń azamattarymyz ekenin túsinesiz be? Sodan keiin narazylyq bildirse, tań qalamyz. Narazylyq kórsetýi - durys, óitkeni jeke júiedegi jaǵdailar týraly shaǵym HQKO-ǵa túsedi, al másele basqada. Árbir memlekettik organǵa qajet usynystardy jazý kerek", - dedi depýtat Pavel Kazantsev.
Baǵdat Mýsin aqaýlardyń sebebi birden 400 aqparattyq júiege qyzmet kórsetýden ekenin, olardyń árqaisysy túrli tehnologiia boiynsha jumys isteitinin atap ótti.
"Keide ózgeris engizý kerek bolsa, jumys kúnderi túnde jańartamyz. Jumys kúnderi jańartylsa, tańerteń jasamaýy múmkin, barlyq HQKO "qatyp" qalady. Iaǵni, aqaý shyqqasyn, kezek te paida bolady. Is júzinde biz 400 aqparattyq júiege qyzmet kórsetemiz, árqaisysy túrli tehnologiia boiynsha júzege asyrylady", - dep túsindirdi ministr.
Onyń aitýynsha, barlyq 400 aqparattyq júie túrli ministrlikterge tiesili. Alaida Mýsin júieli jumystyń qaita qurylýy, 400 aqparattyq júieni biryńǵai tehnologiialarǵa aýystyrý kózdelip otyrǵanyn málimdedi.
"Qazir ár basqarmada aqparattyq júie bar, olar jalpy júzege asyrylatyn áreketti avtomattandyrýǵa baǵyttalǵan. Biraq áli de birneshe keńsege nemese HQKO-ǵa kelý qajet memlekettik qyzmetter bar", - dep tolyqtyrdy Baǵdat Mýsin.
Eske salaiyq, 22 qazanda tehnikalyq aqaýǵa bailanysty Qazaqstanda memlekettik organdardyń saittary jumys istemegen bolatyn. gov.kz. servisine tiesili memlekettik organdardyń portaldarynda másele týyndaǵan edi.
